بسم الله الرحمن الرحيم
السلام عليكم ورحمة الله وبركاته
انا ارض فلسطين , وشعبي ما زال عالعهد
ارض فلسطين في قلوبنا في الحفظ والصّون
واللي يخونك.... يخون العرض
كيف ما نصونك يا ارض فلسطين؟
وانت كنت إلنا مهد , ورح تكوني إلنا لحد
ما يهمّنا لو نمنا عالصّخر
لودسنا حافيين عالشّوك
لو مشينا حافيين عالجمر .
أرضك يا فلسطين أرضي والبلد بلدي
ورثتها من جدّ جدّي , ورح أورّثها لولدي ولولد ولدي
أنا وعدت أبوي , ووعد الحرّ دين , وعشان هيك لازم أوفّي بوعدي
أنا رضعت حبّ الأرض مع الحليب
ولا يمكن أتنازل عنها للغريب .
فلسطين ارضي مباركة وفيها الخير موجود
نفديها بمالنا , بأولادنا , بارواحنا , وبدمنا عليها ما نبخل
وبدمنا عليها نسخى ونجود ,ولا بدّ ييجي يوم , نرجع فيه عبلادنا
وعديارنا مهما طال المشوار لا بدّ بنعود .
فلسطين بارواحنا نفديها
بعرق جبينّا نحييها
بسواعدنا نبنيها ونعلّي رايتها وبصدورنا نحميها
وإذا عزّت الميّ بدموع العين نرويها
ارض فلسطين هيّ الأمّ الحنونة , والغربة مثل مرة الأبو المجنونة .
الأرض أنا عنها أبعدوني
حطّوني في مخيّم لاجئين ونسيوني
بعد ما خيمة وبطّانية وكيس طحين وعلبة سردين أعطوني
أنا ما بدّي طحينكم , أنا ما بدّي سردينكم
أنا ما بدّي بطاطينكم ما بدي خيمكم
بس بدّي على صبّارين ترجّعوني ,,,,,,
انا ارض فلسطين واللّجوء وصمة عزّ وفخار مش وصمة عار على جبيني
ارض يا فلسطين وأنا عنّك يا أرض صبّارين بعيد
وشوقي إلك في قلبي بيشتعل
وحنيني إلك كل يوم عن يوم يزيد
اسمع يا اسماعيل, وانت يا احمد , وانت يا أيمن
مثل مامعروف عنا, لازم نرجع ..
بس لمّا ربنا يريد , لازم نرجع .... بس لمّا ربنا يريد .
ارق تحياااااااااااتي لجميع
