ياليت الحلم يتحقق وياليت اللقاء مسموح

[ يـاليـتْ الـحـلم " يـتـحققَ " يـاليت أن اللقـا مسموحُ ]

{ الجفـول ..
شـآعره كويتيـه متميزه جداً ..
قصايدها لـهآ طعم أخر

اتركم مع قصيده راقت لي من .. ابدآعها

على ايـدك تعلمـت المحبـه والهجـر والنـوح
وعلى صدرك غفت عيني وضاعت فيك هقواتـي

حسبتك بلسم (ن) يشفي فؤادن مغرم (ن) مجروح
وتاخذنـي مـن الواقـع تنادينـي يـا مولاتـي

اجل ما قلتلي مره ؟؟؟!! بأنا عاشقيـن بـروح ؟؟
وبأن العالم بكفـه !! ومـن بعـده تجـي ذاتـي

انا ما زلت انا ذيك الحبيبـه صامـده مـا ابـوح
وادور للسـؤال اجابـة (ن) ترضـي قناعاتـي

اخايل مزنة (ن) قفت تلاعج من وراهـا ضـوح
واسامر ضحكة (ن) غابت تلاشت من على شفاتي

ابيك لدنيتي نور (ن) اشيـد مـن وراه صـروح
مدينـه فاضلـه عـذراء تكفـر عـن خطيئاتـي

ابيك الرمز والقـدوه كتـاب لعالمـي مشـروح
وابي عنـدك اجابـه شافيـه لمعظـم سؤلاتـي

ابيك الشهم والشاعـر وابيـك المفعـم المملـوح
وابيـك الهيـن الليـن بطـل لعظـم روايـاتـي

ياليت الحلـم يتحقـق ياليـت ان اللقـا مسمـوح
يا اول حب في عمري ويـا أأأأخـر محطاتـي

أتمنــى تروق لأذواقكم..

[ندعوك للتسجيل في المنتدى أو التعريف بنفسك لمعاينة هذه الصورة]